Baat thi muhabat ki

Umar bhar ki chahat ki

Payar ki kahani thi

Ishq k samandar main

Dard ki rawani thi

Jo ussay batani thi

Baat mukhtasar si thi,

Zeest k safar ki thi

Baat umar bhar ki thi

Har kathin se rastay main

Uskay sath hona tha

Us k sath hansna tha

Us kay sath rona tha

Dhoop main ya chaoun main,

Us kay sath jalna tha

Zindagi ki raahon main

Us kay sath chalna tha

Baat thi muhabat ki

Umar bhar ki chahat ki

 Jo ussay batanay main

Zindagi ganwa di thi

Bhool kar jahan dono

Zaat ye bhula di thi

Sar jhuka k sajday main

Usko sochtay thay ham

Gir gira k qismat se

Usko mangthay thay ham

Uska naam aye to

Dil ko thaam laitay thay

Or baa’ wazoo ho kar

Uska naam laitay thay

Baat bandagi ki thi,

Baat thi ibadat ki

Baat thi muhabat ki

Umar bhar ki chahat ki

Usko kia batatay ham..?

Haal E Dil sunatay ham!

Dil ka haal sunnay ki

Kab usay faraghat thi…?

Aik din najanay kioun…?

Jab usay faraghat thi…….

Uss nay meri ankhaon main

Doob kar jo dekha to…

Bus yahi kaha mujhse

“Soch main youn khoi si,

Or roi roi si

Aisay sochti kia ho…?

Haath ki lakeeroun main,

Aisay khojti kia ho…?

Jatay jatay rastay se,

Mujhko rokto kia ho….?”

Main nay keh dia usse

Raat din har ik lamha,

Tumko sochti hon main

Hath ki lakeeroun main

Tumko khojti hon main

Jatay jatay rastay se,

Tumko rokti hon k….

Baat hay muhabat ki

Umer bhar ki chahat ki..”

Us nay muskura kr phir….

Ye faqat kaha ham se

Baat hay himaqat ki

Sara sar himaqat ki”

Aaj sochti hon k

Haal e Dil sunnany main

Zindagi bita di to….?

Ham nay usko chahnay main,

umer ye ganwa di to…?

bhool ker jahan dono

zaat ye bhula di to…?

Jisko zindagi jana

Jisko bandage maana

Haan sila wafaoun ka

Kia dia kanwal~ us nay…?

Hamko maar hi daala

Haaye! Bay ajal us nay….

Hijar ki musafat main

Lamha lamha jalti hon

Zeest k safar main ab

Tanha tanha chalti hon

Or sochti hon k

Us nay sach kaha tha na!

Baat wo muhabbat ki

Umer bhar ki chahat ki

Baat thi himaqat ki

Sara sar himaqat ki…..”

Haan ager samjh laina

Kaash wo samjh laita

Baat thi muhabat ki

Umar bhar ki chahat ki